जापानको क्योटो प्रिफेक्चुअल युनिभर्सिटीका वैज्ञानिकले कोरोना संक्रमण भए नभएको जाँच गर्नका लागि नयाँ तरिका खोजी गरेका छन् । उनीहरुले बनाएको मास्कले मोबाइलको फ्ल्यास लाइटको माध्यमबाट कोभिड–१९ भए वा नभएको जानकारी दिन्छ । मोबाइलका अतिरिक्त अल्ट्रा भ्वायलेट (परावैजनी) प्रकाशबाट पनि पत्ता लगाउन सकिन्छ । यो मास्कको विशेषता यो छ कि मास्कको फिल्टर अस्ट्रिचको कोशिकाबाट बनाइएको हो ।

अनुसन्धानका अनुसार मास्कको अघिल्लो तहमा एक फिल्टर लगाइएको छ । यसमा एक फ्लोरिसेन्ट स्प्रे लगाइएको छ । यसमा एक एन्टीबडी हुन्छ । जुन भाइरससँगै बन्द हु्न्छ । यदि मास्कमा भाइरसको कण देखियो भने परावैजनी प्रकाश (यूभी) चम्किन्छ । यो मास्क स्मार्टफोनको एलईडी मा चम्किन्छ ।

मास्क तयार पार्नमा अस्ट्रिचको भूमिका

युनिभर्सिटीको रिपोर्टमा भनिएको छ कि वैज्ञानिकले सबैभन्दाम पहिले कोरोना भाइरस पोथी अस्ट्रिचमा प्रवेश गराएका थिए । पछि अस्ट्रिचको अण्डाबाट एन्टिबडी निकालेर फ्लोरिसेन्ट स्प्रे तयार पारिएको थियो । अस्ट्रिचबाट निक्लने एन्टीबडी कयौ किसिमका भाइरस र ब्याक्टेरियोको बिरुद्धमा काम गर्ने वैज्ञानिकहरुले बताएका छन् ।

३२ बिरामीमा अनुसन्धान

अनुसन्धानको नेतृत्व गरेका वैज्ञानिक यासुहिरो सुकामोटोले मास्को परीक्षण केवल १० दिनमा गरेको बताएका छन् । परीक्षणमा समावेश ३२ कोरोनाका बिरामीको मास्क यूभी प्रकाशमा चम्किएको थियो । अचम्मको कुरो के छ भने जसरी बिरामीमा सुधार आयो त्यसरी नै मास्क चम्किन छोडेको थियो ।

अबको परीक्षण १५० मानिसमा गरिने लक्ष्य रहेका सुकामोटोले बताएका छन् । यदि परीक्षण सफल भएमा सरकारी अनुमति लिइने योजना रहेको उनले बताए । अनुमति पाए लगत्तै यो मास्क २०२२ मा बजारमा आउने अनुमान गरिएको छ ।