विश्वका सबैभन्दा ठूला कार्बन उत्सर्जक चीन र अमेरिका जलवायु सहकार्य बढाउन सहमत भएका छन् । दुई देश जलवायु परिवर्तनसँग जुध्न मिथेन उत्सर्जन कटौती, वनजंगल संरक्षण र कोइलाको प्रयोग अन्त्य गर्नेसहितका विषयमा यो दशकभर सहकार्य वृद्धि गर्न सहमत भएका हुन् ।

संयुक्त राष्ट्रसंघीय जलवायु परिवर्तन सम्मेलन कोप–२६ मा गरिएको संयुक्त घोषणामा चीन र अमेरिकाले ‘ठोस कार्यहरू’सहित जलवायु परिवर्तनसँग लड्ने प्रयासहरू दोब्बर बनाउने सहमतिमा पुगको बताएका छन्दुई देशले सन् २०१५ को पेरिस सम्झौताले तय गरेको १.५ डिग्री सेल्सियसको लक्ष्य प्राप्त गर्न एक साथ काम गर्न आफ्नो दृढ प्रतिबद्धता जनाएका छन् । यस लक्ष्य पूरा गर्न रहेको ठूलो खाडल कम गर्ने प्रयासहरू बढाउन पनि उनीहरूले आह्वान गरेका छन् ।

दुई देशबीच अरु थुप्रै विषयमा विमति भए पनि जलवायु सम्बन्धी विषयमा सहमत भएका हुन् ।

बीबीसी र अलजजिराबाट