अमेरिकाको ह्यूस्टनमा आयोजित ट्रेविस स्कट के एस्ट्रोवर्ल्डको सांगितिक कार्यक्रमा भागदैड हुँदा कम्तिमा ८ जनाको मृत्यु भएको छ । घटनामा कैयौँ घाइते भएको बीबीसीले जनाएको छ ।

आपतकालीन अधिकारीहरुले भीड स्टेजतर्फ बढेपछि भागदौड मच्चिएको बताएका छन् । कार्यक्रममा करिब ५० हजार मानिस सहभागी रहेका थिए । घटनापछि हार्ट अट्याकका कारण विरामी परेका ११ जनाालाई अस्पताल भर्ना गरिएको थियो । ती मध्ये ८ जनाको मृत्यु भएको हो ।कार्यक्रममा सहभागी कम्तिमा ३ सय मानिसलाई चोटपटक लागेको जनाइएको छ । स्थनीय नेता तथ ह्यारिस काउंटीकी जज लीना हिडाल्गले यो घटनालाई निकै दुःखद् भनेकी छन् । उनले यस्ता रमाइलो हुने कार्यक्रममा मानिसहरु खुशी हुन आउने भन्दै यसप्रकारको घटनाको अपेक्षा नगरिने बताएकी छन् ।

ह्यूस्टनका अग्नि नियन्त्रक प्रमुख स्यामूएल पेनाले स्थानीय समय अनुसार शुक्रबार अबेर सवा नौ बजेपछि भागदौड सुरु भएको बताएका छन् । उनले भीड स्टेजतर्फ अगाडि बढेपछि भागदौड मच्चिएको बताए । यो घटनापछि शनिबार आयोजना हुने थप कार्यक्रमहरु स्थगित गरिएको छ ।