शुक्रवार पछिल्लो २४ घण्टामा थप १ हजार ६६ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरमा १० हजार ११३ नमूना पीसीआर परीक्षणमा ८९८ र ३ हजार २५५ नमूनाको एन्टिजेन परीक्षण गर्दा १६८ जना गरी कुल १ हजार ६६ जनामा कोरोना भाइरसको संक्रमण देखिएको हो ।

त्यस्तै सोही अवधिमा देशभर १३ जना कोरोना संक्रमितको मृत्यु भएको छ । मन्त्रालयका अनुसार शुक्रवार २४ घण्टाको अवधिमा कोरोना संक्रमणबाट १३ जनाले ज्यान गुमाएका छन् । यससँगै नेपालमा कोरोना संक्रमणका कारण मृत्यु हुनेको संख्या ११ हजार १४८ पुगेको छ ।

हाल देशभर सक्रिय संक्रमितको संख्या १८ हजार ११५ पुगेको छ । यसैगरी, शुक्रवार ९३८ जना निको भएसँगै हालसम्म ७ लाख ६६ हजार ६९६ जना कोरोना संक्रमणबाट मुक्त भएका छन् ।