एभरेष्ट प्रिमियर लिग क्रिकेट ईपीएलमा आज पनि २ वटा खेल हुँदै छन् ।

पहिलो खेल विहान साढे ९ बजेदेखि र दोस्रो खेल दिउँसो साढे १ बजेदेखि शुरुहुने छ ।

पहिलो खेलमा विराटनगर वारियर्स र काठमाडौं किंग्स इलाभेनबीच प्रतिस्पर्धा हुने छ ।

काठमाडौंले पहिलो खेलमा ललितपुर प्याट्रियोट्सलाई पराजित गर्र्दै शुखद् सुरुवात गरेको थियो ।

विराटनगर भने चितवनसँग पराजित भएको थियो । सन्दीप लामिछानको कप्तानीमा रहेको काठमाडौंमा साहिद अफ्रिदी रहेका छन् ।

उनी आजको खेल पछि पाकिस्तान फर्कने छन् । आजै दिउँसो साढे १ बजे भैरहवा ग्लाडियटर्स र चितवन टाइगर्सबीच प्रतिस्पर्धा हुने छ ।

चितवनले विजयी शुरुआत गरेको टिम हो भने भैरहवालाई आइतबारको बर्षा बाधक बन्यो ।

पोखरा राइनोजविरुद्ध उत्कृष्ट प्रदर्शन गरेको भैरहवाका लागि पानी परेपछि खेल नै शुरु नहुनु दुर्भाग्य बनेको थियो ।