चिनिया बिदेशमन्त्रालयका प्रवक्ता झाओ लिजियानले टुईटरमा अस्ट्रेलियाली सेनाले एक बालकको घाटीमा चक्कु राखेको एउटा पोस्ट साझा गरेपछि चीन र अस्ट्रेलियाबिच सम्बन्धमा दरार बढ्दो छ ।

चिनिया समुदाय सँगको सम्बन्धलाई निरन्तरता दिन मोरीसनले टुईटरमा यस्तो अपिल जारी गरेका हुन् ।

“अस्ट्रेलियामा चिनिया समुदाय वा चीनका मानिसहरू सँगको हाम्रो मित्रताप्रतिको सम्मान र मूल्याङ्कनलाई यसले घटाउदैन् । ” प्रधानमन्त्री मोरीसनले भने ।

सन् २०१९ मा निर्वाचनको समयमा चिनिया समुदायलाई भोटका लागि अपिल गर्न प्रधानमन्त्री मोरीसन वि च्याटको सदस्य बनेका थिए ।

”म सबै अस्ट्रेलियालीहरूलाई सम्मान गर्छु जसले अस्ट्रेलियाको पोसाक लगाउँछन् अस्ट्रेलिया र अस्ट्रेलियनहरूलाई सुरक्षित राख्न उनीहरूको समर्पणलाई सम्मान गर्छु ।” उनले भने ।

“म उनीहरूको इमानदारिता र मान्यताहरुको सम्मान गर्छु ।”

पोस्ट मार्फत उनले अस्ट्रेलिया स्वतन्त्र, प्रजातान्त्रिक र प्रबुद्ध राष्ट्रका रूपमा जारी रहने उनले लेखे ।

प्रधानमन्त्री मोरीसनले चीनले भ्रामक तस्बिर सार्वजनिक गरेकोमा माफी माग्नु पर्ने बताउँदा चीनले भने उल्टो अस्ट्रेलियालाई “ लाज लाग्नु पर्ने” भन्दै टुईटरमा जारी तस्बिर प्रति अधिक प्रतिक्रिया जनाउनु आवश्यक नरहेको प्रतिक्रिया दिएको थियो ।

चीनको यस्तो प्रतिक्रिया आए सँगै प्रधानमन्त्री स्कट मोरीसनले चीनको सबैभन्दा चर्चित सामाजिक सञ्जालमा आफ्नो उपस्थिति देखाएका हुन् ।

मङलबार क्यानबेरा स्थित चिनिया दूतावासले पनि एक वक्तव्य जारी गदै अस्ट्रेलिया सरकारले अधिक प्रतिक्रियात्मक भएको आरोप लगाएको छ ।

“केही अस्ट्रेलियाली राजनीतिज्ञ र मिडियाको क्रोध र गर्जन सहित झाओको टुईटको गलत अर्थ लगाए ।” प्रवक्ताले भने ।

“यो आरोप केवल दुई उद्देश्य पुरा गर्नका लागि हो । एउटा अस्ट्रेलियाली सेनाले गरेको भयावह अत्याचारबाट जनताको ध्यान हटाउन र अर्को द्धिपक्षिय सम्बन्ध बिग्रिएकोमा चीनलाई दोष दिन” चिनिया दूतावासको प्रवक्ताले भने ।

वि च्याटमा जारी सन्देश चीनीया समुदायका लागि लक्षित छ । प्रधानमन्त्रीको पोष्टलाई हाल सम्म ४८ हजार भन्दा बढीले हेरीसकेका छन् ।