विदेशी दक्ष कामदार ल्याउने बहस तीव्र, निर्माण क्षेत्रमा देखिएको अभाव पूर्ति गर्ने प्रस्ताव || भोटेकोशीमा बहाव बढे पनि ठूलो बाढीको जोखिम नरहेको महाशाखाको स्पष्टोक्ति || सुरुङमा फसेका करिब ६ सय कामदारको अझै उद्धार हुन सकेन || भोटेकोशी बाढीः त्रिशूली ‘थ्रि–ए’ आयोजनाको सुरुङमा अक्सिजन पठाइयो || अस्ट्रेलियाद्वारा नेपाल बाढीपीडितका लागि ५० लाख डलर मानवीय सहायता घोषणा || रसुवाको भोटेकोशी बाढीपीडितलाई राहत तथा पुनःस्थापनाका लागि सहयोग अपिल || नेपालमा बाढीपहिरोमा ज्यान गुमाउनेप्रति एनटीकी मुख्यमन्त्री फिनोच्चियारोको शोक || रसुवा बाढी अपडेट : मृतकको संख्या १०० पुग्यो ||

BREAKING NEWS SHOW BREAKING NEWS

नेकपा एमालेले पार्टी फुटाएर माधवकुमार नेपालसहितका नेताहरुले नेकपा एकीकृत समाजवादी पार्टी निर्वाचन आयोगमा दर्ता गर्न दिएको निवेदनमा झलनाथ खनालसहितका ६ जना नेताको सनाखत अवैध रहेको दावी गरेको छ । साथै एमालेले नेपाल नेतृत्वको पार्टी आयोगमा दर्ता गर्दा खनालसहितको अवैध सनाखतलाई मान्यता दिएकोमा बदर गर्न माग गरेको छ ।

हस्ताक्षर नै नभएका व्यक्तिको सनाखत गर्नु कानुनविपरीत भएको भन्दै नेकपा एकीकृत समाजवादी पार्टीको दल दर्ता बदर गर्न माग गर्दै एमालेले सर्वोच्च अदालतमा रिट निवेदन दर्ता गरेको छ । एमालेले सर्वोच्चमा बुधबार दर्ता गरेको रिट निवेदनमा एमालेबाट निष्कासनमा परिसकेका १४ जना सांसद र ९ जना केन्द्रीय सदस्यलाई सनाखत गराएकाले नेकपा एकीकृत समाजवादी दर्ता बदर गर्न माग गरेको हो ।

साथै एमालेले झलनाथ खनालसहित १४ जना सांसदले वैशाख २७ गते आफ्नै प्रधानमन्त्रीलाई विश्वासको मत दिने बेला ह्वीप उल्लंघन गरी अनुपस्थित भएको भन्दै पार्टीले निष्कासन गरेकाले उनीहरूलाई सांसद पदबाट समेत पदमुक्त गर्न माग गरेको छ ।

निर्वाचन आयोगलाई विपक्षी बनाइएको उक्त रिटमा नेकपा एकीकृत समाजवादीका नाममा कुनै पनि गतिविधि गर्न नदिन आदेशको माग गरिएको छ । नेता माधवकुमार नेपालसहितका ३० सांसद र ५५ केन्द्रीय सदस्यले दल विभाजनको व्यवस्था अनुसार आवश्यक संख्या पुर्याएर गत भदौ २ गते निर्वाचन आयोगमा दिएको निवेदनअनुसार भदौ ९ गते दल दर्ताको मान्यता पाइसकेका छन् ।

निर्वाचन आयोगको अलवा एमालेले बुधबार नै सभामुख अग्नि सापकोटा र लुम्बिनी प्रदेशका सभामुखविरुद्ध पनि रिट निवेदन दर्ता गरेको छ ।uml rit election

यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।