तर तिनलाई अमेरिकी क्षेप्यास्त्र प्रतिरक्षा प्रणालीले नष्ट गरिदिएको छ। यो आतंकवादी संगठन आईएसआईएस–केले दिएको जवाफ मानिएको छ, जसविरुद्ध अमेरिकाले दुईपटक ड्रोन हमला गरेको छ। तर अहिलेसम्म रकेट प्रहार कसले गरेको हो भन्ने विषयमा आधिकारिक जानकारी आइसकेको छैन।
यसअघि गत बिहीबार काबुलको विमानस्थलमा खुरासान (आईएसआईएस–के) समूहले बम हमला गरेको थियो। जसमा १३ जना अमेरिकी सैनिकसहित १७० जनाको मृत्यु भयो, कैयौं घाइतने भएका छन्।
यसपछि अमेरिकाले शुक्रबार राति उक्त समूहलाई लक्ष्य गरी ड्रोन प्रहार गरेको थियो, जसमा परी काबुल विस्फोटका योजनाकार मारिएको अमेरिकाले दाबी गरेको छ। यसैगरी अमेरिकाले आइतबार पनि आत्मघाती आक्रमणकारीलाई ताकेर ड्रोन हमला गरेको जनाएको छ। तर त्यस क्रममा ९ जना सर्वसाधारण मारिएको खबर सार्वजनिक भएको छ।
यसै क्रममा आज बिहान पनि काबुल विमानस्थललाई ताकेर ५ वटा रकेट प्रहार गरिएको थियो। तर त्यसलाई अमेरिकाको क्षेप्यास्त्र प्रतिरक्षा प्रणालीले नष्ट पारेको बताइएको छ। अहिलेसम्म यसमा के कति क्षति भयो भन्ने खुलिसकेको छैन।
उक्त रकेटका केही तस्बिर सार्वजनिक भएका छन्। रकेट प्रहारका लागि व्यवस्था गरिएको स्थान र साधन :
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
बैसाख २, २०८२ मंगलबार
61 Views
