मान्छेमाथि आक्रमण गर्ने भालुलाई गोली हानेर मारियो

आजको राशिफल ~ वि.सं. २०८२ वैशाख ०८ गते सोमवार : श्री देवकाे कृपाले यी राशिहरूकाे चम्किनेछ भाग्य || एमालेसँगको सहकार्यबारे गम्भीर समिक्षा गर्ने देउवाको तयारी, केन्द्रीय समितिको बैठक ‘प्रस्थानविन्दु’! || राप्रपा महामन्त्री धवल शमशेर हाजिर जमानीमा रिहा || राप्रपा अध्यक्ष लिङ्देनसहितका ३ नेता सिंहदरबारबाट प्रहरी नियन्त्रणमा || समानुपातिक सांसद बन्दिनँ, चितवनबाटै चुनाव लड्ने होः रेनु दाहाल || कांग्रेसको नेतृत्वमा सरकार बने माओवादीले सघाउँछः प्रचण्ड || रास्वपा कोशी प्रदेशका निवर्तमान इन्चार्ज सम्पूर्ण जिम्मेवारीबाट अलग || आजको राशिफल ~ वि.सं. २०८२ वैशाख ०५ गते शुक्रवार : श्री देवकाे कृपाले यी राशिहरूकाे चम्किनेछ भाग्य ||

BREAKING NEWS SHOW BREAKING NEWS

जुम्लामा स्थानीयमाथि आक्रमण गर्ने भालुलाई गोली हानेर मारिएको छ । बिहीबार बिहान करिब ५ बजेतिर चन्दननाथ नगरपालिका–५ का एक दम्पतीलाई भालुले आक्रमण गरेको थियो ।
भालु गाउँमा पसेर स्थानीयलाई आक्रमण गर्न थालेपछि बिहानदेखि नै प्रहरीले खोजी गरेको थियो भने करिब ७ घण्टापछि भालु भेटिए पनि सुरक्षित रुपमा नियन्त्रणमा लिन नसकिएको प्रहरीले जनाएको छ ।

भालु बजार पसेको खबर पाए पछि जिल्ला प्रशासन, प्रहरी नेपाली सेना, सशस्त्र प्रहरी बल, डिभिजन वन कार्यालयको टोली भालुलाई जंगलतिर लखेट्न खटिएको थियो । टोलीले जंगलसम्म भगाउन खोज्दा भालुले सुरक्षाकर्मीमाथि नै आक्रमण गर्न थालेपछि नियन्त्रणमा लिन नसकिएको र गोलि हानेर मारिएको डिभिजन वन कार्यालय जुम्लाका प्रमुख दिनेश जङ्ग खत्री जानकारी दिए ।

‘भालुलाई सुरक्षित स्थलतिर भगाउँदा खोज्दा पनि भालु गाउँ पसेर आतंक मच्चाउन थाल्यो,’ उनले भने,‘ गाउँ पसेको भालु सहजै रुपमा नियन्त्रणमा नआउने देखिएपछि गोलि हानेर मारिएको हो ।’भालुले चन्दननाथ नगरपालिका–५ कार्कीवाडामा हिमराज रोकाया र उनकी धर्मपत्नी निर्मला रोकाया थापा र चन्दननाथ नगरपालिका–४ का २५ वर्षका आषिस सार्कीलाई आक्रमण गरी घाइते बनाएको छ । घाइते तीनै जनाको अहिले कर्णाली स्वास्थ्य विज्ञान शिक्षण अस्पतालमा उपचार भइरहेको छ ।