लुम्बिनी प्रदेश प्रमुखको स्वागत तथा पदबहाली कार्यक्रम प्रदेश सरकारबाट ‘बहिष्कार’

आजको राशिफल वि.सं. २०८३ वैशाख २८ गते सोमवार : श्री देवकाे कृपाले यी राशिहरूकाे चम्किनेछ भाग्य || देउवा दम्पतीविरुद्ध ‘रेड नोटिस’ जारी गर्न इन्टरपोललाई पठाइयो कागजात || वैशाख २९ भित्रै एसइईको नतिजा सार्वजनिक हुनेः अन्तिम तयारी पूरा || पहिलो पाइला नेपालको अध्यक्षमा गौरव खनाल चयन || आजको राशिफल वि.सं. २०८३ वैशाख २७ गते आइतवार : श्री देवकाे कृपाले यी राशिहरूकाे चम्किनेछ भाग्य || अष्ट्रेलिया र न्यूजिल्याण्डका ४ सहित १५ ठाउँका वाणिज्यदूतलाई पदमुक्त गर्ने सरकारको निर्णय || प्रधानन्यायाधीश सिफारिसविरूद्धको रिट दर्ता गर्न सर्वोच्चद्धारा अस्वीकार || आजको राशिफल वि.सं. २०८३ वैशाख २६ गते शनिवार : श्री शनिदेवीकाे कृपाले यी राशिहरूकाे चम्किनेछ भाग्य ||

BREAKING NEWS SHOW BREAKING NEWS

लुम्बिनी प्रदेशका नवनियुक्त प्रदेश प्रमुख अमिक शेरचनको पद बहाली कार्यक्रमलाई प्रदेश सरकारका प्रतिनिधिले बहिष्कार गरेका छन् ।

शुक्रबार प्रदेश प्रमुखको कार्यालयमा पदबहाली गरेका शेरचनलाई प्रदेश सरकारका तर्फबाट स्वागतसमेत गरिएन ।

प्रदेश प्रमुख शेरचनले पदभार ग्रहण गर्दा माओवादी केन्द्रसहित विभिन्न दलका कार्यकर्ताको लर्को थियो । तर सो कार्यक्रममा मुख्यमन्त्री र प्रदेशका मन्त्रीहरु भने उपस्थित थिएनन् ।

लुम्बिनी प्रदेश सरकारका प्रवक्ता बैजनाथ चौधरीले मुख्यमन्त्रीसहित मन्त्रीहरु सरकारको कामको समीक्षामा तीन दिनदेखि व्यस्त रहेकाले प्रदेश प्रमुखको स्वागतमा जान नपाएको बताए ।

उनले भने, ‘प्रदेश प्रमुखको स्वागतमा जानुपर्ने त हो तर सरकारको कामको समीक्षा चलिरहेका कारण जान पाइएन ।’

उल्लेखनीय छ, यसअघि पदमुक्त भएका प्रदेश प्रमुख धर्मनाथ यादवलाई भने प्रदेश सरकारका तर्फबाट बिदाइ गरिएको थियो । तर नवनियुक्त प्रदेश प्रमुखलाई स्वागत गर्न प्रदेश सरकारले बेवास्ता गरेको हो ।