अखिल नेपाल फुटबल संघ (एन्फा)ले केन्द्रीय कार्यसमितिको आपातकालीन बैठकको आह्वान गरेको छ।
एन्फाका वरिष्ठ उपाध्यक्ष पंकजविक्रम नेम्बाङमाथि राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरीले लगाएको आरोप पछि उत्पन्न भएको परिस्थितिको बारे छलफल गर्न शुक्रवार आपातकालीन बैठक बस्न लागिएको हो। उपाध्यक्ष नेम्बाङले घटनाक्रम बारे छानबिनको निवेदन दर्ता गरेपछि एन्फाले केन्द्रीय कार्यसमितिको बैठक बोलाएको हो।
प्रशिक्षक अल्मुताइरीले आइतवार सामाजिक सञ्जालमार्फत उपाध्यक्ष नेम्बाङले उनको काममा पछिल्ला तीन सातादेखि बाधा उत्पन्न गरेको भन्दै आरोप लगाएका थिए। सोही कारणले उनी राजीनामा दिन एन्फा जान लागेको बताएका थिए। तर एन्फा अध्यक्षको सुझाव अनुसार उनले लिखित रूपमा राजीनामा नदिएर केही दिनको छुट्टीमा बसेका छन्।
उता नेम्बाङले भने आफूमाथि लगाइएको आरोप सत्य सावित भए राजीनामा दिने जानकारी दिएका छन्। नेम्बाङले आउँदो चुनावको लागि आफ्नो छवि बिगार्ने काम गरिएको र त्यसका लागि तुरुन्तै छानबिन समितिको बैठक बस्नुपर्ने माग गरेका थिए।
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
