नेपाली कांग्रेस, नेकपा माओवादी केन्द्रले सरकारको दाबी गर्ने भएको छ । दुई पार्टीको अगुवाइमा संविधानको धारा ७६ (५) बमोजिमको सरकार दाबी गर्ने तयारी गरिएको छ ।
नेकपा माओवादी केन्द्र कांग्रेस संसदीय दलको कार्यालयमा पुगेको छ । अहिले त्यहाँ तीन दलका नेताहरुको बैठक बसरिहेको छ भने उता नेकपा एमालेका नेता माधवकुमार नेपाल समूह पनि आन्तरिक छलफलमा रहेको बताईएको छ ।
विपक्षी दलहरु नेपाली कांग्रेस, नेकपा माओवादी केन्द्र र जनता समाजवादी पार्टी (जसपा) छलफलमा जुटेका हुन् । उनीहरुसँगै एमालेको माधव कुमार नेपाल पक्षपनि सहभागी रहेका छन् ।
सिंहदरबारमा कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल प्रचण्ड, माधवकुमार नेपाल, माओवादीका नेता नारायणकाजी श्रेष्ठ, जसपाका अध्यक्ष उपेन्द्र यादव लगायतका नेता छलफलमा जुटेका हुन्।
उनीहरुले निर्णायक कदम चाल्न छलफल गरिरहेको बताइएको छ।
नेपाली कांग्रेसका सभापति शेरबहादुर देउवाले प्रधानमन्त्री नियुक्तिका लागि राष्ट्रपतिसमक्ष दाबी पेश गर्ने भएका छन् । उनको पक्षमा १४९ सांसदले हस्तक्षर गरेका छन् ।
शुक्रबार सिहदरबारमा बसेको कांग्रेस, माओवादी केन्द्र, नेकपा एमालेको माधवकुमार नेपाल समूह र जनता समाजवादी पार्टीको उपेन्द्र यादव पक्षका शीर्ष नेताहरुको बैठकमा देउवालाई प्रधानमन्त्रीका रुपमा अघि सार्ने सहमति जुटेको हो । माओवादी केन्द्रका नेता वर्षमान पुनका अनुसार देउवाको पक्षमा १४९ सांसदको हस्ताक्षर जुटेको छ ।
कांग्रेसका ६१, माओवादी केन्द्रका ४९ -एक स्वतन्त्रसहित), माधव नेपाल समूहका २७ र जसपाका १२ सांसदले हस्ताक्षर गरेका छन् ।
राष्ट्रपति विद्यादेवी भण्डारीले ७६(५) अनुसार प्रधानमन्त्रीमा नियुक्त गर्न संसदको बहुमत प्राप्त गर्ने आधार प्रस्तुत गर्न साँझ ५ बजेसम्मको समय दिएकी छन् ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
बैसाख ९, २०८२ मंगलबार
116 Views
बैसाख ८, २०८२ सोमबार
111 Views
