मेलबर्न, अष्ट्रेलिया ।

अष्ट्रेलियाको रिक्त राजदूत पदमा नेपालको परराष्ट्र मन्त्रालयले सुम्निमा तुलाधरलाई प्रसताव गरेको छ । केही दिन अघि राजदूत महेशराज दाहाललाई फिर्ता बोलाउने निर्णय भएको थियो । सरकार गठन भएलगत्तै पदभार ग्रहण गर्ने कार्यसँगै परराष्ट्रमन्त्री प्रदिप ज्ञवालीले अष्ट्रेलियाको राजदूतको रुपमा तुलाधरलाई प्रस्ताव गरिएको जानकारी दिएका हुन् ।

एग्रिमोका लागि अष्ट्रेलियन सरकारकोमा पठाउने र त्यसपछि संसदीय सुनवाई पश्चात राष्ट्रपतिले राजदूत नियुक्त गर्ने चलन छ ।

सरकारले विजुली गतिमा राजदूत फिर्ता बोलाउने र अर्को पठाउने कार्य अघि बढाएको छ । तुलाधर वरिष्ठ वामपन्थी नेता पद्मरत्न तुलधरकी छोरी हुन् । उनी राष्ट्रिय मानव अधिकार आयोगका पूर्वसदस्य एवं मानवअधिकारवादी नेता गौरी प्रधानकी श्रीमती पनि हुन् ।

नेपालमा बालबालिकाको क्षेत्रमा काम गर्ने सिविनमा समेत उनी आबद्ध छिन् । तुलाधर नियुक्त भएमा उनी अष्ट्रेलियाका लागि दोश्रो महिला राजदूत हुनेछिन् । यसअघि लक्की शेर्पाले अष्ट्रेलियाको राजदूतको रुपमा केही वर्ष काम गरेकी थिइन् ।