अस्ट्रेलियाको एडिलेडमा नेपाली समुदायको अग्रणी सामाजिक संस्था एडिलेड नेपाली समाजको अध्यक्षमा बालगोपाल उपाध्याय निर्वाचित भएका छन्। समाजको सातौँ द्विवार्षिक साधारणसभाले २०२६–२०२८ कार्यकालका लागि उपाध्यायको नेतृत्वमा नयाँ कार्यसमिति सर्वसम्मत रूपमा चयन गरेको हो।

नवनिर्वाचित कार्यसमितिको उपाध्यक्षमा लक्ष्मी सापकोटा र पदेन उपाध्यक्षका रूपमा एडिलेड नेपाली विद्यालयका प्राचार्य हिमाल कडेल रहेका छन्। सचिवमा प्रदिप निरौला, उपसचिवमा विकास पौडेल, कोषाध्यक्षमा पुष्पा बन्जाडे तथा जनसम्पर्क अधिकृतमा सुरेन्द्र रेग्मी चयन भएका छन्।

त्यस्तै, सदस्यहरूमा निवर्तमान अध्यक्ष श्याम दहाल, रामकृष्ण शर्मा, बन्धु विक्रम कार्की, खगेन्द्र सत्याल, दिपा दहाल र बाल सापकोटा रहेका छन्। नयाँ नेतृत्वले एडिलेडमा नेपाली समुदायको एकता, सामाजिक सहकार्य, भाषा–संस्कृति संरक्षण तथा सामुदायिक गतिविधिलाई थप प्रभावकारी बनाउने अपेक्षा गरिएको छ।