अष्ट्रेलियाको डार्विनमा नेपाली राहदानी नवीकरण सेवा आजदेखि औपचारिक रूपमा सुरु भएको छ। मार्च २० देखि २३ तारिखसम्म सञ्चालन हुने यस सेवा कार्यक्रम प्रवासमा रहेका नेपालीहरूलाई लक्षित गर्दै आयोजना गरिएको हो।

यो कार्यक्रम NRNANT  र Nepalese Association of Northern Territory Inc को समन्वयमा आयोजना गरिएको हो। मालाकस्थित एमसिएनटी हलमा सञ्चालन भइरहेको उक्त सेवामार्फत नेपाली समुदायलाई छिटो, सहज र व्यवस्थित रूपमा राहदानी नवीकरण सुविधा प्रदान गरिँदैछ।

कार्यक्रममा Embassy of Nepal, Australia को प्रत्यक्ष सहकार्य रहेको छ भने Multicultural Council of the Northern Territory ले समेत आवश्यक सहयोग पुर्‍याएको छ। आयोजकका अनुसार सेवा लिन आउने सेवाग्राहीहरूको उल्लेखनीय सहभागिता देखिएको छ र सेवा प्रक्रिया प्रभावकारी रूपमा अगाडि बढिरहेको छ।

आयोजकहरूले सेवाग्राहीहरूलाई आवश्यक कागजातसहित तोकिएको समयमा उपस्थित भई सेवा लिन आग्रह गरेका छन्। साथै, आवेदन फाराम समयमै भरी प्रक्रिया छिटो र सहज बनाउन पनि अनुरोध गरिएको छ।