काठमाडौं, माघ २८ । चेल्सी वर्ल्ड स्कुलको आयोजनामा ५औं चेल्सी अन्तरविद्यालय रोड रेस २०८२ आज सफलतापूर्वक सम्पन्न भएको छ। विद्यालयस्तरका विद्यार्थीहरूमा खेलकुदप्रतिको रुचि अभिवृद्धि गर्ने, अनुशासन र शारीरिक तन्दुरुस्ती विकास गर्ने उद्देश्यले आयोजना गरिएको उक्त प्रतियोगितामा काठमाडौं उपत्यकाका विभिन्न विद्यालयबाट उल्लेख्य सहभागिता रहेको थियो।

कार्यक्रमका प्रमुख अतिथि गोकार्णेश्वर नगरपालिकाका नगरप्रमुख श्री दीपक कुमार रिसाल रहनुभएको थियो भने विशिष्ट अतिथि (Guest of Honour) श्री Mohd Firdaus bin Azmanको समेत विशेष उपस्थिति रहेको थियो। चेल्सी वर्ल्ड स्कुलकी प्रधानाध्यापक सुश्री छाम्बा डोल्मा, शिक्षक–शिक्षिका, अभिभावक, विद्यालय प्रतिनिधि तथा खेलकुदकर्मीहरूको उल्लेखनीय सहभागिताले कार्यक्रमलाई थप उत्साहपूर्ण बनाएको थियो।

प्रतियोगितालाई सुरक्षित र व्यवस्थित बनाउन ट्राफिक प्रहरी कार्यालय नारायणटार, गोकार्णेश्वर प्रहरी वृत्त तथा नेपाल मेडिकल कलेजले आवश्यक सुरक्षा तथा स्वास्थ्य सेवा प्रदान गरेका थिए। कार्यक्रमलाई गोकार्णेश्वर नगरपालिकाले सहकार्य तथा समर्थन गरेको थियो भने Western Motors महाराजगञ्जले सहायक साझेदार (Supporting Partner) का रूपमा साथ दिएको थियो।

प्रतियोगिताको समग्र नतिजाअनुसार बुढानीलकण्ठ स्कुल समग्र च्याम्पियन (Overall Champion) घोषित भएको छ।

छात्रा तर्फ (Girls Category) शीर्ष १०

प्रथम: रोशना खड्का – बुढानीलकण्ठ स्कुल (21:12)
दोस्रो: मनीषा ओझा – ब्राइट होराइजन स्कुल (21:46)
तेस्रो: आकृति मानन्धर – नेपाल पुलिस स्कुल (22:30)
चौथो: सुनसरी शाही – ब्राइट होराइजन स्कुल (22:50)
पाँचौं: आकृति चौधरी – बुढानीलकण्ठ स्कुल (23:04)
छैटौं: अञ्जिला डंगोल – EPS (23:14)
सातौं: ग्रिष्मा भारती – नेपाल पुलिस (23:40)
आठौं: संगिल्ला श्रेष्ठ – विश्व निकेतन (23:50)
नवौं: लुनिभा खड्का – नेपाल पुलिस (24:12)
दशौं: जिल्पा आले मगर – बुढानीलकण्ठ स्कुल (24:37)

छात्र तर्फ (Boys Category) शीर्ष १०

प्रथम: हस्ता सुनार – ब्राइट होराइजन स्कुल (14:40)
दोस्रो: बिरेन्द्र उपाध्याय – ब्राइट होराइजन स्कुल (15:59)
तेस्रो: दीक्ष्यन्त भट्टराई – बुढानीलकण्ठ स्कुल (16:19)
चौथो: शेर बहादुर शाही – चुन्देवी बेसिक स्कुल (16:21)
पाँचौं: बिजया बुढा – बुढानीलकण्ठ स्कुल (17:22)
छैटौं: रेमान रातेँम बा भोटे – अरुणोदय सेकेन्डरी स्कुल (17:28)
सातौं: प्रभाकर कुमार शाह – बुढानीलकण्ठ स्कुल (17:39)
आठौं: बसन्त खड्का – बुढानीलकण्ठ स्कुल (17:44)
नवौं: सुदिप तामाङ – जनप्रेमी वर्ल्ड स्कुल (17:46)
दशौं: इलेश गौतम – सेन्ट लरेन्स स्कुल (17:55)

आयोजक पक्षले प्रतियोगिता सफल बनाउन सहयोग गर्ने सम्पूर्ण विद्यालय, शिक्षक, विद्यार्थी, अभिभावक, सुरक्षाकर्मी तथा व्यवस्थापन टोलीप्रति आभार व्यक्त गरेको छ। उचित सुरक्षा व्यवस्था र व्यवस्थित सञ्चालनका कारण कार्यक्रम शान्तिपूर्ण तथा उत्साहपूर्ण वातावरणमा सम्पन्न भएको आयोजकले जनाएको छ।

PiC AI