डार्विन, अष्ट्रेलिया

एनआरएनए नर्दन टेरिटोरीका वर्तमान सचिव त्रिलोचन सापकोटाले २०२५–२७ कार्यकालका लागि राज्य संयोजक पदमा उम्मेदवारी घोषणा गरेका छन्।
उनले पारदर्शिता, जवाफदेहिता, समावेशिता र युवामैत्री नेतृत्वलाई आफ्नो अभियानको मुख्य आधार बनाएका छन्।

📌 मुख्य कार्य योजना (एजेन्डा):
NT सरकारले उपलब्ध गराउने जग्गामा स्थायी नेपाली समुदायिक भवन निर्माण समिति गठन गर्ने।

समुदायभित्र एकता, पारस्परिक सम्मान र समावेशिता बलियो बनाउने।

महिला सहभागिता र नेतृत्वमा जोड, नारा मात्रै नभई, प्रमुख पदमा महिलालाई उम्मेदवार बनाउने कार्यन्वयनमा ध्यान दिने।

दोस्रो पुस्ताका युवाहरूलाई संस्कृति, भाषा र पहिचानमा जोड्ने कार्यक्रम सञ्चालन गर्ने।

नयाँ आएका विद्यार्थी, आमाबुवा र अभिभावकहरूको सहयोगका लागि उपसमिति गठन गर्ने।

NANT, Darwin Hearts FC, Nepalese Cricket Association NT, र CDU NSA जस्ता संस्थासँग सहकार्य गर्दै कार्यक्रमहरू सञ्चालन गर्ने।

क्यानबेरास्थित नेपाली दूतावाससँग सहकार्य गरी राहदानी क्याम्प तथा सांस्कृतिक कार्यक्रमहरू सञ्चालन गर्ने।

🤝 समुदायको साथ र समर्थन
यी सबै योजना र दृष्टिकोणलाई समुदायले सकारात्मक रुपमा स्वागत गरेको देखिन्छ। पछिल्लो समय सापकोटाको पक्षमा समुदायको उल्लेखनीय साथ र विश्वास बढ्दै गएको संकेत पाइन्छ।

उनले उठाएका विषयहरू नारा मात्र नभई व्यवहारमा लागू गर्ने तयारीमा रहेको बताउँदै, महिला सहभागिता विशेषगरी प्रमुख पदमा महिलाको उम्मेदवारी सुनिश्चित गर्ने योजना सामेल गरेका छन्।