डार्विन, अष्ट्रेलिया।

गैरआवासीय नेपाली संघ (NRNA) नर्दन टेरिटोरी (NT) को २०२५–२०२७ कार्यकालका लागि पुष्कर राज अधिकारीले राष्ट्रिय समन्वय परिषद् (NCC) सदस्य पदमा उम्मेदवारी दर्ता गरेका छन्।

राज्य संयोजक पदका उम्मेदवार भवानी पौड्याल र सचिव पदका उम्मेदवार आकाश बुढाथोकीको नेतृत्वमा बनेको टिममार्फत प्रतिस्पर्धा गर्दै अधिकारीले नयाँ पुस्ताको प्रतिनिधित्व गर्ने दाबी गरेका छन्। उम्मेदवारी दर्तापछि उनले पारदर्शिता, जवाफदेहिता र समावेशी नेतृत्वका पक्षमा आफू दृढ रहेको बताए।

उनका मुख्य एजेन्डाहरू यस प्रकार छन्:

एनआरएन राष्ट्रिय समितिमा एनटीको विविध समुदायको सशक्त प्रतिनिधित्व।

विद्यार्थी, युवा, पेशाकर्मी र परिवारहरू लक्षित तालिम र सहयोग कार्यक्रमहरूको प्रवर्द्धन।

सांस्कृतिक र सामाजिक सहकार्यमार्फत नेपाली पहिचान र सद्भावको अभिवृद्धि।

पारदर्शिता, ऊर्जा र समुहमा आधारित नेतृत्व विकास।

अग्रज, पूर्वपदाधिकारी तथा विज्ञहरूसँग परामर्श गर्दै दीर्घकालीन विकास नीतिमा योगदान।

पुष्कर अधिकारीको उम्मेदवारी नयाँ पुस्ताका लागि प्रेरणादायी हुने विश्वास उम्मेदवारी टिमले व्यक्त गरेको छ।