डार्विन, अष्ट्रेलिया । एनआरएनए नर्दन टेरिटोरी (NT) राज्य समन्वय परिषद् २०२५–२०२७ कार्यकालका लागि उप–संयोजक पदमा रविन भुसालले आफ्नो उम्मेदवारी घोषणा गर्नुभएको छ। “परिवर्तन, प्रगति र एकताका लागि सँगै” भन्ने मूल नाराका साथ उहाँले सामाजिक उत्तरदायित्व र सहभागितालाई प्राथमिकतामा राख्ने प्रतिबद्धता व्यक्त गर्नुभएको छ।

उहाँले समुदायप्रतिको जिम्मेवारी र पारदर्शिता सहितको नेतृत्व प्रदान गर्न सकिने विश्वास व्यक्त गर्दै भन्नुभयो, “समुदायप्रति मेरो समर्पण केवल पदको लागि होइन, सतत् सहकार्य र सबैको आवाजलाई प्रतिनिधित्व गर्ने प्लेटफर्म निर्माणका लागि हो।”

🔍 परिचय र सामाजिक यात्रा:
विगत ७ वर्षदेखि एनटीको नेपाली समुदायमा क्रियाशील

नेपाली सांस्कृतिक, खेलकुद र सामाजिक कार्यक्रममा निरन्तर सहभागिता

भलिबल र टेनिस जस्ता खेल गतिविधिमार्फत युवा एकता र सहभागिता प्रवर्द्धन

🎯 मुख्य प्रतिबद्धताहरू:
एनआरएनए एनटीभित्र इमानदारी, पारदर्शिता र जवाफदेही नेतृत्व प्रवर्द्धन

समावेशी सहभागिता सुनिश्चित गर्दै सबै समुदायलाई प्रतिनिधित्व

खेलकुद, युवा कार्यक्रम र सांस्कृतिक गतिविधिमा बल दिँदै एकता मजबुत पार्ने

सबै समुदायको आवाज सुन्ने र प्रतिनिधित्व गर्ने वातावरण निर्माण

विविध समुदायसँग सहकार्य गर्दै सशक्त एनटी नेपाली समुदायको निर्माण

उहाँले समापनमा भन्नुभयो, “ईमानदारी, पारदर्शिता र सामूहिक हित नै मेरो अभियानको मेरुदण्ड हुनेछ। सकारात्मक परिवर्तनका लागि हामी सबैको साथ र विश्वास जरुरी छ।”

🔗 समृद्ध र एकीकृत एनआरएनए एनटीको लागि, सँगै अघि बढौं!