सिड्नी । सिड्नीमा एउटा सपिङ सेन्टरमा चक्कु हानेर ६ जना मारिएको घटनामा संदिग्धको पहिचान खुलेको छ । अष्ट्रेलिया प्रहरीका अनुसार संदिग्ध ४० वर्षका जोएल काउशी हुन् ।

शनिबार धारिलो चक्कुले हानेर ६ जनाको हत्या भएको थियो । मर्नेमा ५ जना महिला र एक पुरुष थिए । शिशुसहित अन्य कयौँ व्यक्तिहरू घाइते भएका थिए । घटनालगत्तै एक महिला प्रहरीले संदिग्धमाथि गोली प्रहार गरेकी थिइन् । यसै क्रममा उनको निधन भएको थियो । काउशीको मानसिक स्वास्थ्य अस्थिर रहेको हुन सक्ने बताइएको छ ।

यस घटनामा हताहत हुनेमा महिला धेरै भएकोले संदिग्धले महिलालाई नै निशाना बनाएको हुन् त भन्ने प्रश्न पनि उठिरहेको छ । काउशीमा १७ वर्षको उमेरदेखि नै मानसिक रोग देखिएको क्विन्सल्यान्ड प्रहरीले बताएको छ । संदिग्धको परिवारले उनको कादमलाई डरलाग्दो भनेको छ । किशोरावस्थादेखि नै उनमा मानसिक समस्या देखिएको बताइएको छ ।