आप्रवासीको संख्या कटौती गर्दा स्वास्थ्य प्रणालीमा असर पर्न सक्ने चिकित्सकहरूको चेतावनी || डार्विनमा लाराकिया सांस्कृतिक केन्द्र उद्घाटन, आदिवासी संस्कृति र परम्परा संरक्षणमा नयाँ पहल || बुटवल उद्योग वाणिज्य संघको अध्यक्षमा टंकप्रसाद गैरेको उम्मेदवारी, अनुभवलाई परिणाममा बदल्ने लक्ष्य || एनटीमा Aged Care सेवा कमजोर बन्दै, संघीय सांसद ल्यूक गोस्लिङले थप लगानीको प्रतिबद्धता जनाए || वर्किङ होलिडे मेकर भिसा परिवर्तनबारे MEC NT मा छलफल || ब्रेकिङ न्युज: अस्ट्रेलियामा विद्यार्थी भिसामा ठूलो फेरबदल, अनशोर आवेदन र कलेज परिवर्तनमा नयाँ कडाइ || क्रिस गेलको कीर्तिमान तोड्दै प्रेटोरियसले बनाए टी–२० मा १८८ रन || डार्विन थाई फेस्टिभल घटनाः गोस्लिङको Assault केसमा नयाँ साक्षीको चर्चा ||

BREAKING NEWS SHOW BREAKING NEWS

काठमाडौं । राष्ट्रपति रामचन्द्र पौडेलले भ्रष्टाचार नियन्त्रणका लागि दृढ राजनीतिक प्रतिबद्धता चाहिने बताएका छन् ।अख्तियार दुरुपयोग अनुसन्धान आयोगको ३३औं स्थापना दिवसको अवसरमा आयोजित कार्यक्रमलाई सम्बोधन गर्दै राष्ट्रपति पौडेलले भ्रष्टाचार र भ्रष्ट प्रवृत्तिले राष्ट्रियता नै कमजोर बनाउने बताए । उनले शासन प्रणाली पारदर्शी र जवाफदेही हुँदामात्र भ्रष्टाचार न्यूनीकरण हुने उल्लेख गरे ।

कार्यक्रममा प्रधानमन्त्री पुष्पकमल दाहालले भ्रष्टाचारमा संलग्न जो कोहीलाई पनि कारबाही गर्न सरकार तयार रहेको बताए । उनले सरकारले ठूला भ्रष्टाचारका घटनालाई अनुसन्धानको दायरामा ल्याउने काम गरेको उल्लेख गर्दै ट्रान्सपरेन्सी इन्टरनेसनलको प्रतिवेदनमा २ अंक माथि आउनुले पनि यो स्पष्ट भएको बताए । तर पनि अझै धेरै सुधार गर्नुपर्ने उनको भनाइ छ ।

आयोगका प्रमुख आयुक्त प्रेमकुमार राईले भने सार्वजनिक पदाधिकारीबाट अधिकार दुरुपयोग बढेको उल्लेख गरे । सार्वजनिक सेवालाई प्रविधिमैत्री बनाउने नाममा समेत आर्थिक दुरुपयोग भइरहेको उनको टिप्पणी थियो । कानुनले निर्धारण गरेको जिम्मेवारीसमेत पूरा नगर्ने र मन्त्रिपरिषद्‌बाट निर्णय गराउने प्रवृत्तिले अनियमितता मौलाएको अख्तियार प्रमुखको भनाइ थियो ।सार्वजनिक पद धारण गरेका व्यक्तिले अख्तियार दुरुपयोग गरेकोबारे अनुसन्धान गर्ने जिम्मेवारीसहित संवैधानिक निकायका रुपमा २०४७ सालमा आयोग स्थापना गरिएको हो । तर, आयोगको अनुसन्धान क्षमतामाथि भने प्रश्न उठ्दै आएको छ ।

यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं फेसबुक र ट्विटरमा पनि जोडिन सक्नुहुन्छ ।