काठमाडौं । संस्कृति, पर्यटन तथा नागरिक उड्डयनमन्त्री सुदन किरातीले नेपाल वायुसेवा निगम करार व्यवस्थापनबाट सञ्चालन गरिनुपर्नेमा जोड दिएका छन् । प्रतिनिधिसभाअन्तर्गतको अन्तर्राष्ट्रिय सम्बन्ध र पर्यटन समितिको मंगलबारको बैठकमा उनले यस्तो बताएका हुन् ।

निगमलाई करार व्यवस्थापनमा लैजान मन्त्रिपरिषद्समक्ष प्रस्ताव पठाएको एक साता भइसकेको उनले जानकारी दिए ।

“यस्तै स्थिति राख्न सकिँदैन । निगमले कतिजनालाई बिलो (अंश) बाँडेर खाने हो ? कतिलाई दक्षिणा दिने हो ? यो निगमले कतिजना पाल्ने हो ?,” मन्त्री किरातीले प्रश्न गरे ।

उनले अगाडि भने, “करार व्यवस्थापनमा जानैपर्छ । त्यसको लागि मन्त्रालयले मन्त्रिपरिषद्मा प्रस्ताव पठाएको एक साता भएको छ । एकैपटक करार व्यवस्थापनमा नभए आवश्यक छलफल गरेर जानुपर्छ ।”