राष्ट्रिय स्वतन्त्र पार्टी (रास्वपा) का सभापति रवि लामिछानेले आगामी ०८४ सालको निर्वाचनबाट सबै दललाई बाईबाई गर्ने उद्घोष गरेका छन् । आज (शनिबार) ललितपुरमा आयोजित पार्टीको वृहत भेलालाई सम्बोधन गर्दै उनले आगामी निर्वाचनमा अरु दललाई एक सिट पनि जित्न नदिने उद्घोष गरेका हुन् ।

‘आउने चुनावमा कुनै दललाई एक सिट पनि जित्न दिँदैनौं । ‘हाम्रो आँखैअगाडि नयाँ दलका रुपमा २१ जना सांसद सदनमा आएका छन् । स्थानीय तहमा एक से एक होनहार मानिस आएका छन्,’– उनले भने ।

सरकारमा रहेका दलहरुले संविधान दिवसकै दिन मान्छे काट्नेलाई आममाफी दिएर के गर्न सक्छौं? भनेर ठाडो चुनौति दिएको उनले बताए ।

सरकारमा रहेका दलहरुले भ्रष्टाचारका फाइल खोल्ने भन्दै तर्सिएर बन्द गरेको उनको आरोप छ । सरकारले गरेको नराम्रा कामविरुद्ध चर्को आवाजमा विरोध गर्न सुझाव आएको उल्लेख गर्दै उनले अब दवाब दिने नभएर ०८४ सालमा एकै पटक सबै दललाई बाईबाई गर्ने तयारी रहेको बताए ।