दोहा- कतारमा पनि कोरोना भाइरस संक्रमणको नयाँ लहर देखा परेको छ ।

कोभिड–१९ राष्ट्रिय स्वास्थ्य रणनीतिक समूहका अध्यक्ष तथा हमाद मेडिकल कर्पोरेशनका सरुवारोग प्रमुख डा.अब्दुल्लातीफ अल-खलले बुधवार साँझ दोहामा आयोजित पत्रकार सम्मेलनलाई सम्बोधन गर्दै कोभिड–१९ संक्रमणको नयाँ लहर सुरु भएको बताए ।

कतारमा हालसालै दक्षिण अफ्रिकाबाट आएको कोरोना भाइरसको नयाँ छाल देखिएको र यस हप्ता भाइरसको कारण ७ व्यक्तिको मृत्यु भएको डा. अल-खलले पत्रकार सम्मेलन मार्फत जानकारी दिए ।

‘संक्रमणको नयाँ लहरले विभिन्न लक्षणहरू निम्त्याउँदैन, तर यो व्यक्तिहरूमा फैलिने बढी सम्भावना हुन्छ, र केही प्रमाणहरूले संकेत गर्दछ कि नयाँ तनावले गम्भीर रोग निम्त्याउन सक्छ, उनले भने ।

हाल कतारमा कोरोना भाइरसको १३ हजार ५ सय भन्दा बढी सक्रिय सङ्क्रमितहरु रहेका छन् । त्यसमध्ये १ हजार २ सय भन्दा बढी व्यक्तिहरूको विभिन्न अस्पतालहरुमा उपचार भैरहेको डा. अल-खललाई उद्धृत गर्दै पेनिन्सुला पत्रिकाले लेखेको छ ।

कतारमा हालसम्म ६५ लाख जनालाई कोरोना भाइरसविरूद्धकव खोप लगाइएको डा. अल-खलले जानकारी दिए ।

पत्रकार सम्मेलनमा हमद मेडिकल कर्पोरेशनमा गहन सेवा विभाग प्रमुख तथा हज्म मेबैरेक जनरल अस्पतालका कार्यवाहक मेडिकल निर्देशक डा. अहमद अल मुहम्मदले पनि नयाँ भाइरस देखा परेको जनाउदै सबैलाई सावधानी अपनाउन आग्रह गरेका छन् ।

कतारमा पत्ता लागेको भाइरसको नयाँ तनावले दैनिक संक्रमणको संख्या बढन् सक्नेछ, ‘हामी दोस्रो छालको बीचमा छौं र नयाँ तनाव अझ गम्भीर छ र यसका लागि सहयोग, एकता र सावधानीका उपायहरूप्रति प्रतिबद्धता आवश्यक छ,’ डा. मुहम्मदले भने ।

नयाँ संक्रमणको करण अस्पतालमा भर्ना हुनेको संख्यामा वृद्धि भएको उनले बताए । कतारले पछिल्लो समय संक्रमण बढेसंगै मार्च २७ तारिख शुक्रबारदेखि लागू हुने गरि थप प्रतिबन्ध लगाउने भएको छ ।

कतारमा यो समाचार तयार पर्दासम्म कतारमा कोरोना सङ्क्रमितको सङ्ख्या १ लाख ७५ हजार ३३२ पुगेको छ ।

उपचारपछि निको हुनेको संख्या १ लाख ६१ हजार ४८८ पुगेको छ भने संक्रमणबाट मृत्यु हुनेको संख्या २७८ पुगेको कतारको स्वास्थ्य मन्त्रालयले जनाएको छ ।