केन्डी । नेपाल  एसिया  कप  क्रिकेटको  समूह  चरणबाटै  बाहिरिएको छ ।  समूह  चरणको अन्तिम खेलमा  भारतसँग १० विकेटले   पराजित हुँदै  नेपाल प्रतियोगिताबाट बाहिरिएको हो  ।

जितसँगै  भारतसँगै  भारत समूह  ए  बाट सुपर  फोरमा  प्रवेश  गर्यो । नेपाल भारत र  पाकिस्तान  दुवैसँग फराकिलो अन्तरले  पराजित भयो ।

केन्डीस्थिति  पाल्लेकेले  इन्टरनेशनल स्टेडियममा टस हारेर  व्याटिंग गरेको नेपालले ४८ ओभर २ बलमा अलआउट हुँदै २  सय ३१ रन  बनाएको थियो  ।  तर भारतलृे २ ओभर  १ बलमा १७ रन बनाएको  अवस्थामा पानी परेपछि  भारतले  डक वर्थ  लेविस  नियम  अनुसार  २३ ओभरमा  १४५ रन  बनाउने लक्ष्य  पाएको पाया,  जुन उसले  विना  क्षति  पुरा गर्यो । भारतले  २० ओभर  १ बलमा  लक्ष्य पुरा गर्यो  । रोहित शर्मा  ७४  र  शुभमन गिल ६७ रनमा  नटआउट रहे । नेपालका सात  जना बलरको प्रयोग भएपनि विकेट लिन सकेनन् ।

करण  केसीले  ४ ओभरमा  २६, सोमपाल  कामीले  २ ओभरमा  २३, गुल्सन  झाले  १  ओभर  १ बलमा ११, ललित राजवंशीले ४ ओभरमा  २४, सन्दीप लामिछानेले ४ ओभरमा  ३९,  कुशल मल्लले  ३ ओभरमा ११ र दीपेन्द्रसिंह  ऐरीले २ ओभरमा  १२ रन  दिए ।

राम्रो ब्याटिंग  गरे पनि  नेपालले बलिंग राम्रो गर्न  सकेन ।  यसअघि केन्डीस्थित पाल्लेकेले इन्टरनेशनल स्टेडियममा टस हारेर पहिले ब्याटिंग गरेको नेपालले सबै विकेट गुमाएर  २ सय ३० रन बनाएको थियो । पहिलो पटक भारतसँग खेलेको नेपालले साहसिक  प्रदर्शन  गर्दै ४८ ओभर २ बल खेल्यो ।

पाकिस्तानसँग २५ ओभर पनि नखेली  १०४ रनमा  अलआउट भएको  नेपालले भारतविरुद्ध ब्याटिंग साहस  देखायो  ।  नेपालको  शुरुवात  उत्कृष्ट रह्यो । कुशल भुर्तेल र आसिफ  शेखले राम्रो  साझेदारी  गर्दै राम्रो आधार खडा गरे ।  यो जोडीले  पहिलो विकेटका  लागि ६५ रन  जोड्यो । भुर्तेल ३७८ रन बनाएर  आउट भए  । आक्रामक  खेलेका उनले २५ बलमा २ छक्का र तीन चौका प्रहार गरे ।

भुर्तेल क्रिजमा रहँदा झण्डै प्रतिओभर  ६ को दरले  रन बटुलेको  नेपाल त्यसपछि  भने  नेपाल सुस्तायो  ।  एकपछि  अर्को  विकेट खसे  पनि  अर्को  किनारबाट आसिफले नेपालको पालि सम्हाले । कुशल भुर्तेल पछि भम सार्की, कप्तान रोहित पौडेल र कुशल मल्ल सस्तैमा आउट भए पनि आसिफ शेखले धैर्यतापूर्वक  खेल्दै  अर्धशक पूरा गरे ।आसिफले ८८ बलमा आफ्नो अर्धशतक पूरा गरेका थिए । उनले ९७ बल खेली ८ चौका प्रहार गर्दै ५८ रन बनाए ।

पहिलो  विकेटका  लागि कुशल र  आसिफबीच पछि  सातौं विकेटका लागि दीपेन्द्र  सिंह ऐरी र सोमपाल कामीले ५० रनको   साझेदारी गरे  । यो  साझेदारीले नेपाललाई २ सय रन पार  गर्न  मद्दत  गर्यो । दीपेन्द्र्र २९ रनमा  आउट भएपछि  सोमपालले   थप साझेदारी गरे । उनी  ५६ बलमा २ छक्का र १ चौकाको  मद्दतले  ४८ रन बनाएर आउट  भए  ।

नेपालका लागि गुल्सन  झाले २३,  सन्दीप  लामिछानले  ९,  भीम सार्कीले ७, कुशल  मल्लले २ रन  बनाए  भने  ललित राजवंशीले  खाता खोल्न  सकेनन् ।   करण केसी  २ रनमा  नटआउट रहे । भारतका   लागि रवीन्द्र जडेजा र मोहम्मद सिराजले ३ ३ तथा मोहम्मद सामी,  हार्दिक पाण्ड्या र शार्दुल ठाकुरले समान १ विकेट लिए ।