काठमाडौँ । ९ करोडको लागतमा दीपकराज गिरी र दीपाश्री निरौलाले नयाँ बानेश्वरस्थित शंखमुल रोडमा निर्माण गरिरहेको फिल्म हल १८ भदौदेखि संचालनमा आउने भएको छ ।

लामो समयदेखि निर्माण हुँदै आएको मल्टिप्लेक्स हल १८ गते औपचारिक उद्घाटन सहित संचानलमा आउन लागेको हो । हलको उद्घाटन १८ गते राखिएको हलका संचाल समेत रहेकी कलाकार निर्देशक दीपाश्री निरौलाले बताइन् ।

‘हलको सम्पूर्ण निर्माण कार्य सकिएकाले उद्घाटन कार्यक्रमसहित संचालनमा ल्याउन लागेको हो’, दीपाले भनिन् । उद्घाटनको दिन हलमा फिल्म ‘छक्का पन्जा ४’ लाग्ने छ ।

‘उद्घाटनमा सबैलाई फ्रिमा फिल्म हेराउनपर्छ’ दीपाले भनिन् ‘फ्रिमा हेराउनहरुले फिल्म नदेलान् भनेर आफ्नै फिल्म देखाउन लागिएको हो ।’ त्यसपछि भने हलमा नेपाली फिल्म ‘ऐँचो पैचो’ र  शाहरुख खानको ‘जवान’ लाग्ने दीपाले सुनाइन् । हल केही अगाडि नै उद्घाटन गर्ने दीपक–दीपाको योजना थियो । आर्थिक मन्दी लगायत विभिन्न कारणले केही ढिलाइ हुनपुग्यो ।

आईएनआई सिनेमाजको फ्रेन्चाइज अन्तर्गत सञ्चालन हुन लागेको हलमा दुईवटा अडिटोरियम रहेको छ । जसमा दुई–दुई सय दर्शक क्षमता छ ।