काठमाडौं। नेकपा एमालेका वरिष्ठ नेता माधवकुमार नेपाल पक्षका केन्द्रीय सदस्यहरूको भेला सुरु भएको छ। बैठक बानेश्वरस्थित अर्याल होटेलमा नेपाल र झलनाथ खनाल पक्षको केन्द्रीय सदस्यहरू भेला भएका हुन्।
भेलामा नेपाल-खनाल पक्षका धेरैजसो केन्द्रीय सदस्यहरूको उपस्थिति छ। एमालेभित्र आउँदा दिनमा हुन अन्तरसंघर्षबारे रणनीति निर्माण गर्न अनौपचारिक छलफल हुने बताइएको छ। भेलालाई सुरुमै वरिष्ठ नेता झलनाथ खनालले सम्बोधन गरेका छन्।
एमालेभित्रै रहेर अध्यक्ष केपी ओलीको प्रवृत्तिविरुद्ध सर्घष गर्ने निर्णयसहित एमालेमै रहने नेपाल-खनाल समूहले निर्णय गरेको थियो। तर, एमाले पुनःस्थापित भएयता अध्यक्ष केपी शर्मा ओलीले माधव नेपाल, झलनाथ खनाललगायतका नेताहरूसँग भेटेका छैनन्।
यसैबिच संसदीय दलका उपनेता सुवास नेम्वाङले प्रचण्डबाट फर्केर आएका नेताहरूको सम्मानजनक व्यवस्थापन हुने बताएका थिए। साविकको एमाले संसदीय दलमा ओलीको अत्यधिक बहुमत रहे पनि केन्द्रीय कमिटीमा भने नेपालका पक्षमा पनि ओलीकै हाराहारी केन्द्रीय सदस्य छन्।
प्रतिनिधि सभाका १ सय २० सांसद कायम रहेकामा नेपालका पक्षमा ४० सांसद छन्। नेपाल पक्षले आफूहरूसँग ४२ सांसद रहेको दाबी गरेको छ। केन्द्रीय कमिटीको समीकरण भिन्न छ। एमालेको नवौं महाधिवेशन र त्यसपछि मनोनीतहरूको संख्यालाई आधार मान्दा पार्टी एकताअघि २ सय ५ सदस्यीय थियो।
मृत्यु भएका, संवैधानिक तथा विभिन्न नियुक्ति लिएकालाई घटाउँदा केन्द्रीय कमिटीको संख्या १ सय ९५ हाराहारी हुन आउँछ। उपाध्यक्ष वामदेव गौतम र केन्द्रीय सदस्य हरि पराजुली तटस्थ छन्। ओलीका पक्षमा १ सय ३ जना हुन आउँछन्।
यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
अषोज २७, २०८३ मंगलबार
61 Views
अषोज १६, २०८३ शुक्रबार
107 Views
