काठमाडौं । अर्जेन्टिनी सुपर स्टार लियोनल मेस्सीले कतारमा जारी विश्वकप २०२२ को फाइनल खेल खेलेपछि सन्यासको घोषणा गर्न सक्ने अनुमान गरिएको छ ।

उनले डियारियो डिपोर्टिभो ओलेसँग कुरा गर्दै कतार विश्वकपको फाइनल खेलेर सन्यास लिने बताएको विभिन्न अन्तर्राष्ट्रिय सन्चार माध्यमहरुले जनाएका छन् ।

गएराति भएको विश्वकपको पहिलो सेमी फाइनल खेलमा अर्जेन्टिनाले क्रोएशियाबिरुद्ध ३ – ० को सहज जित निकालेको थियो । जसमा मेस्सीले एक गोल गरेका थिए भने अर्को एक गोल एसिस्ट गरेका थिए ।

छैटौँपटक विश्वकपको फाइनल पुगेपनि मेस्सीले हालसम्म विश्वकप उपाधि जित्न सकेका छैनन्।

अर्जेन्टिना सन् १९८६ यता विश्व च्याम्पियन बन्न सकेको छैन। सन् २००५ देखि सिनियर अन्तर्राष्ट्रिय फुटबल खेल्दै आएका मेस्सीले गत वर्ष भने कोपा अमेरिका जितेका थिए ।