काठमाडौं । बंगलादेशसँगको अन्तर्राष्ट्रिय मैत्रीपूर्ण फुटबलमा नेपालले सहज र शानदार जित निकालेको छ । दशरथ रङ्गशालामा भएको खेलमा नेपालले बंगलादेशलाई तीन-एकले हरायो ।
नेपालको जितमा फरवार्ड अञ्जन विष्टले ह्याट्रिक गरे । उनले खेलको पहिलो हाफमै ह्याट्रिक पूरा गरेका हुन् । उनले खेलको १८ औँ, २७ औँ र ३८ औँ मिनेटमा गोल गरे ।
योसँगै अञ्जन विष्ट राष्ट्रिय फुटबल टोलीबाट ह्याट्रिक पूरा गर्ने छैटौँ खेलाडी बनेका छन् । यस्तै उनले गोल सङ्ख्या १० पुर्याएका छन् । यस्तै बंगलादेशका लागि खेलको ५७ औं मिनेटमा मोहम्मद टुटुल हुसेन बादशाहले सान्त्वना गोल गरे ।
यो खेलसँगै नेपाल र बंगलादेशबीच अहिलेसम्म २७ पटक भेट हुदा बंगलादेश १४ खेलमा विजयी भएको छ । यस्तै नेपाल आठ खेलमा विजयी हुँदा पाँच खेल बराबरीमा सकिएको छ ।
ऋतिक र आशिषको राष्ट्रिय टिममा डेब्यु
नेपाल राष्ट्रिय फुटबल टोलीमा ऋतिक खड्का र आशिष चौधरीले डेब्यु गरेका छन् । मंगलबार दशरथ रंगशालामा जारी बंगलादेशविरुद्धको मैत्रीपूणर् खेलको दोस्रो हाफमा मैदान प्रवेश गर्दै ऋतिक र आशिषले डेब्यु गरेका हुन् ।
मिडफिल्डर ऋतिक सेसेहाङ आङ्देम्बे र फरवार्ड आशिष विमल घर्तिमगरको स्थानमा मैदान प्रवेश गरेका थिए ।
jagdamba.cement
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
बैसाख २८, २०८३ सोमबार
71 Views
बैसाख २७, २०८३ आइतबार
68 Views
बैसाख २६, २०८३ शनिबार
80 Views
