काठमाडौं । विभिन्न विवाद र रस्साकस्सीपछि सन्तोष सेनको ‘प्रेमगीत–३’को हिन्दी भर्सन अन्ततः भोलि (सोमबार)देखि नेपालमा प्रदर्शन हुने भएको छ । सञ्चार तथा सूचना प्रविधि मन्त्रालयको निर्देशनपछि चलचित्र विकास बोर्डले फिल्मलाई सेन्सर सिफारिस गरेको हो ।

फिल्मका निर्माताले सेन्सर सिफारिसको पत्रसमेत बुझिसकेका छन् । फिल्मको सेन्सर आइतबार (आज) अपरान्ह हुने भएको छ । बोर्डले सेन्सर सिफारिस दिनुअघि निर्माता चन्द र सेन्सर बोर्डबीच मन्त्रालयमा छलफल समेत भएको बताइएको छ ।

सेन्सरपछि आजै बेलुकादेखि प्रेमगीत ३ हिन्दीको बुकिङ पनि खुलाउने तयारी गरिएको छ । ‘प्रेमगीत–३’ को हिन्दी भर्सन पनि नेपाली फिल्मसरह प्रदर्शन हुने निर्माण टिमको भनाइ छ । अब फिल्मले १५ प्रतिशत विकास शुल्क पनि तिर्नुपर्ने छैन ।

सञ्चार तथा सूचनाप्रविधि मन्त्रालयले यस अगाडि नै ‘प्रेमगीत–३’को हिन्दी भर्सनलाई पनि नेपाली फिल्मकै मान्यता दिइसकेको छ । गत शुक्रबारबाट दर्शकमाझ रिलिजमा आएको यस फिल्मले छिमेकी राष्ट भारत र नेपालमा राम्रो बक्सअफिस कलेक्शन गर्नुका साथै दर्शकहरुको उत्कृष्ट प्रतिक्रिया पाइरहेको छ ।

फिल्मले भारतमा पहिलो दिन ९२ लाख भारु र नेपालमा एक करोड बढीको ब्यापार गरेको थियो । त्यस्तै फिल्मले वल्र्डवाइड साढे चार करोड बढीको ब्यापार गरेको थियो