काठमाडौं । निलम्बित प्रधानन्यायाधीश चाेलेन्द्रशमशेर जबरालाई निवासमै नजरबन्दमा राखेको थाहा पाएपछि राष्ट्रिय मानधअधिकार आयोगको टोली उनको निवासमा पुगेको छ ।

सञ्चारमाध्यमहरुमा जबरालाई नजरबन्दमा राखेको बताएपछि आयोगले अनुगमनका लागि सहसचिवको नेतृत्वमा टोली पठाएको हो ।

प्रधानन्यायाधीश जबराले आफूमाथिको महाअभियोगको कारबाही टुंगो नलाग्दै नियमित काममा फर्किन लागेको सूचना सर्वोच्चमा पठाएको भन्ने समाचार सार्वजनिक भएसँगै उनलाई सर्वोच्चमा छिर्न नदिन बाक्लो मात्रमा सुरक्षकर्मीहरु समेत खटाइएको थियो । जबराको निवासमा समेत बाहिरबाट ताला लगाएर प्रहरी तैनाथ गरिएको बताइएको थियो ।

राणाविरुद्ध गत फागुन १ गते ९८ सांसदले महाभियोग प्रस्ताव दर्ता गराएका थिए । प्रतिनिधि सभाको कार्यकाल अन्त्य भएर आजबाट नयाँ निर्वाचनको कार्यक्रम शुरु भएको छ । प्रतिनिधि सभाको कार्यकाल शनिबार राति अबेरबाट सकिएको छश।
संविधानको धारा १०१ को उपधारा ९६० र प्रतिनिधि सभा नियमावली २०७५ को नियम १६१ को उपनियम ९ मा महाअभियोगको कारबाही प्रारम्भ भएपछि त्यस्तो कारबाहीको टुंगो नलागेसम्म प्रधानन्यायाधीशले आफ्नो पदको कार्यसम्पादन गर्न नपाउने व्यवस्था छ ।