पूर्वप्रधानमन्त्री एवम् नेकपा एमालेका अध्यक्ष केपी शर्मा ओलीको भाषणप्रति भारतीय मिडियाले आपत्ति जनाएको छ ।

कालापानी, लिपुलेकका विषयमा ओलीले ‘विवादित बयान’ दिएको भन्दै भारतीय मिडियाले यसलाई ‘बिग्रेको बोली’को संज्ञा दिएको छ ।

भारतीय मिडिया अमरउजालालेएमाले अध्यक्ष ओलीको भनाइप्रति आपत्ति जनाएको हो ।

यस मिडियाले समाचारमा लेखेको छ,‘नेपालका पूर्व प्रधानमन्त्री तथा प्रमुख प्रतिपक्षी दलका सीपीएन–यूएमएलका अध्यक्ष केपी शर्मा ओलीले भारतसँगको सीमा विवादबारे विवादित बयान दिएका छन् । उनले आफ्नो पार्टी सत्तामा गएमा भारतसँग लिपुलेक, कालापानी र लिम्पियाधुरा वार्ताको माध्यमबाट फिर्ता लिने बताएका छन् ।’उसले समाचारको शीर्षकमा लेखेको छ,’नेपाल के पूर्व प्रधानमंत्री के बिगड़े बोल: कहा- ‘वार्ता के जरिए भारत से वापस ले लेंगे लिपुलेख, कालापानी और लिंपियाधुरा’ ।

अध्यक्ष ओलीले शुक्रवार चितवनमा एमालेको १० औं महाधिवेशन उद्घाटन समारोहमा आफ्नो पार्टी पुनः सरकारमा जाने र कालापानी, लिपुलेक र लिम्पियाधुरा फिर्ता ल्याउने बताएका थिए ।