गएको २४ घण्टामा नेपालमा १ हजार ३ सय ३० जनामा कोरोना भाइरस संक्रमित थपिएका छन्।
आज पीसीआर परिक्षण गर्दा १ हजार ३६ जना र एन्टिजेन परीक्षण गर्दा २ सय ९४ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

उनीहरुसँगै नेपालमा कोरोना संक्रमितको कुल संख्या ७ लाख ८६ हजार ५७७ पुगेको छ। पछिल्लो २४ घण्टामा कोरोना संक्रमणबाट ५ जनाको मृत्यु भएको छ । योसँगै नेपालमा कोरोनाका कारण मृत्‍यु हुनेको संख्या ११ हजार ५३ पुगेको छ ।

त्यस्तै २४ घण्टामा १ हजार ८३० जना संक्रमणमुक्त भएका छन् । अहिलेसम्म संक्रमणमुक्त हुनेको संख्या ७ लाख ५४ हजार पुगेको छ ।

मन्त्रालयका अनुसार हाल देशभर सक्रिय संक्रमितको संख्या २१ हजार ५२४ छ । जसमध्ये २० हजार १६४ जना होम आइसोलेसनमा रहेका छन् भने १ हजार ३६० जना संस्थागत आइसोलेसनमा रहेका छन् । कोरोनाका बिरामीमध्ये ३३५ जना आईसीयू र १०७ जना भेन्टिलेटरमा उपचाररत् छन् ।