नेकपा एकीकृत समाजवादीका अध्यक्ष माधवकुमार नेपालले मुलुकमा दुई प्रकारको राजनीतिक धार विद्यमान रहेको निचोड निकालेका छन् ।

जारी केन्द्रीय कमिटी बैठकमा उनले प्रस्तुत गरेको राजनीतिक प्रतिवेदनमा नेकपा एमालेलाई उनले ओली गुटको संज्ञा दिएका छन् । ओलीले राजतन्त्रपरस्त शक्तिसँग दक्षिणपन्थी गठबन्धन गर्ने सोचको प्रतिनिधित्व गरिरहेको उनको ठम्याइ छ ।

“मुलुकमा अहिले दुई प्रकारका राजनीतिक धार विद्यमान छन् । एउटा अलोकतान्त्रिक, असहिष्णु र स्वेच्छाचारी प्रवृत्ति बोकेको दक्षिणपन्थी विदेशपरस्त तथा राजतन्त्रपरस्त शक्तिसँग दक्षिणपन्थी गठबन्धन गर्ने सोच जसको मुख्य प्रतिनिधित्व कपी ओली गुटले गरिरहेको छ । अर्को बाम लोकतान्त्रिक समिकरण, जसको प्रतिनिधित्व नेपाल कम्युनिष्ट पार्टी एकीकूत समाजवादी), नेपाल कम्युनिष्ट पार्टी (माओवादी पेन्द्र नेपाली कांगे्रस, जनता समाजवादी दल र राष्ट्रिय जनमोर्चाले गरिरहेको छ,” प्रतिवेदनमा उल्लेख छ,“ वाम लोकतान्त्रिक समीकरणमा सामेल राजनीतिक दलहरुको वर्गाधार र वर्ग चरित्र फरक फरक भएता पनि यिनीहरूले लोकतन्त्रको रक्षा गर्ने र मुलुकमा राजनीतिक स्थिरता कायम गर्ने सवालमा महमत भएर मोर्चावन्दी गरी सहकार्य गरिरहेका छन् ।”

उनले वर्तमान मोर्चाबन्दीलाई कम्तिमा प्रतिनिधिसभाको पूर्णकालभरी र आगामी चुनाव तथा स्थानीय तहसम्म जारी राख्नुपर्ने आवश्यकता औंल्याएका छन् ।