सभामुख अग्निप्रसाद सापकोटाले बोलाएको सर्वदलीय बैठक जारी छ । नयाँबानेश्वरस्थित ल्होत्से हलमा बोलाइएको बैठक केहीबेरअघि सुरु भएको हो ।

यद्यपि बैठकमा प्रमुख प्रतिपक्षी दल नेकपा एमाले भने उपस्थित भएको छैन । सभामुखको भूमिकाप्रति प्रश्न उठाउँदै आएको एमालले यसअघि नै सभामुखले बोलाएको बैठकमा नजाने निर्णयसहित सन्देश पठाएको थियो ।

आफ्नो पार्टीबाट कारबाहीमा परेका १४ जनाको कारबाहीको सूचना टाँस हुनुपर्ने नभएर राजीनामा दिनुपर्ने मुख्य शर्त एमालेले राखेको छ । प्रतिपक्षी दल एमालेले संसदको नवों अधिवेशन सुरु भएदेखि नै अवरोध गर्दै आएको छ ।

एमालेको अवरोधपछि संसद बैठक चल्न नसकेपछि सभामुख सापकोटाले आजका लागि सर्वदलीय बैठक बोलाएका थिए । बैठकले छलफलमा प्रधानमन्त्री एवं कांग्रेस संसदीय दलका नेता शेरबहादुर देउवा, माओवादी केन्द्रका पुष्पकमल दाहाल प्रचण्ड, नेकपा (एकीकृत समाजवादी)का माधवकुमार नेपाल, जसपाका नेता उपेन्द्र यादव, लोसपाका महन्थ ठाकुर, जनमोर्चाकी दुर्गा पौडेल, नेमकिपाका प्रेम सुवाल, राप्रपाका राजेन्द्र लिंदेनलगायतका नेताहरू उपस्थित छन् ।