नेपाल सुपर लिग महिला तथा पुरूष फ्रेञ्चाइज भलिबल लिग हुने भएको छ।

लिगका लागि नेपाल स्पोर्टस एण्ड इभेन्ट म्यानेजमेन्ट र नेपाल भलिबल संघबीच सम्झौता भएको छ।

लिगका लागि नेपाल भलिबल संघले प्राविधिक सहयोग गर्नेछ। संघले आयोजक नेपाल स्पोर्टस एण्ड इभेन्ट म्यानेजमेन्टलाई जनशक्ति, कभर्डहल, विदेशी एंव स्वदेशी खेलाडीहरूको व्यवस्थापन गर्नेछ।

लिगबाट भएको नाफाको ३० प्रतिशत संघले पाउनेछ।

प्रथम संस्करण २०२१ को नोभेम्बर १७ देखि डिसेम्बर १७ तारिखसम्म हुनेछ। प्रतियोगितामा भाग लिने टिमको बारेमा अहिले जानकारी दिइएको छैन।

दोस्रो संस्करणबाट होम-अवेको आधारमा नेपालका विभिन्न शहरमा खेलाइने लक्ष्य राखिएको छ।

यसअघि नेपाल स्पोर्टस एण्ड इभेन्ट म्यानेजमेन्टले गत वैशाखमा नेपाल सुपर लिग फ्रेन्चाइज फुटबल प्रतियोगिता आयोजना गरेको थियो।