पछिल्लो २४ घण्टामा देशभर २ हजार ४ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयले गरेको पिसिआर तथा एन्टीजेन परीक्षणमा २ हजार ४ जनामा कोरोना संक्रमण पुष्टि भएको हो ।

मन्त्रालयका अनुसार बिहीबार देशभरका अस्पतालबाट एक हजार ८४६ जना संक्रमित निको भएका छन्।

त्यस्तै विहीबार कोरोना संक्रमणबाट मृत्यु हुनेको संख्या १६ रहेको छ। योसँगै देशभर कोरोना संक्रमणबाट मृत्यु हुनेको कुल संख्या दश हजार ७८६ पुगेको छ। विहीबार देशभर ७१० जना गम्भीर किसिमका संक्रमित उपचाररत छन्। मन्त्रालयका अनुसार सघन उपचार कक्षमा ५४४ र भेन्टिलेटरमा १६६ जना संक्रमित उपचाररत छन् । यस्तै काठमाडौं उपत्यकामा मात्रै ७९३ संक्रमित थपिएका छन् । काठमाडौँमा ५४१, ललितपुरमा १५२ र भक्तपुरमा १०० संक्रमित थप भएका हुन् ।