आईसीसी टेस्ट च्याम्पियनसिप अन्तर्गतको टेस्टमा भारतले इंग्ल्याण्डसँग लज्जास्पद हार व्यहोरेको छ ।

तेस्रो टेस्टको चौथो दिन भारत घरेलु टोली इंग्ल्याण्डसँग एक पारि र ७६ रनले पराजित भएको हो ।

योसँगै पाँच टेस्टको श्रृंखलामा इंग्ल्याण्डले सिरिज एक एकको बराबरीमा ल्याएको छ । पहिलो टेस्ट बराबरीमा सकिएको थियो भने दोस्रो टेस्टमा भारत १५१  रनले विजयी भएको थियो ।

पहिलो पारिमा जम्मा ७८ रनमा समेटिएको भारतले दोस्रो पारिमा २७८ रन मात्रै बनाउन सक्यो । इंग्ल्याण्डले पहिलो पारिमा ४३२ रन बनाएको थियो । पहिलो पारिमा ३५४ रनले पछि परेको भारतले दोस्र्रो पारिमा सोही स्कोर पनि बराबरी गर्न नसक्दा एक इनिङ र ७६ रनको हार  भोग्न पुग्यो ।

भारतका लागि दोस्रो पारिमा भारतका चेतेश्वर पुजाराले सर्वाधिक ९१ रन बनाउँदा रोहित शर्माले ५९ रनको योगदान गरेका थिए । यसैगरी विराट कोहलीले ५५ रन जोड्दा रविन्द्र जडेजाको ब्याटबाट ३० रन बनेको थियो ।