नेपाल भ्रमण गर्ने विदेशी विशिष्ट अतिथिका लागि राजकीय अतिथि गृह बन्ने

आजको राशिफल वि.सं. २०८३ वैशाख २८ गते सोमवार : श्री देवकाे कृपाले यी राशिहरूकाे चम्किनेछ भाग्य || देउवा दम्पतीविरुद्ध ‘रेड नोटिस’ जारी गर्न इन्टरपोललाई पठाइयो कागजात || वैशाख २९ भित्रै एसइईको नतिजा सार्वजनिक हुनेः अन्तिम तयारी पूरा || पहिलो पाइला नेपालको अध्यक्षमा गौरव खनाल चयन || आजको राशिफल वि.सं. २०८३ वैशाख २७ गते आइतवार : श्री देवकाे कृपाले यी राशिहरूकाे चम्किनेछ भाग्य || अष्ट्रेलिया र न्यूजिल्याण्डका ४ सहित १५ ठाउँका वाणिज्यदूतलाई पदमुक्त गर्ने सरकारको निर्णय || प्रधानन्यायाधीश सिफारिसविरूद्धको रिट दर्ता गर्न सर्वोच्चद्धारा अस्वीकार || आजको राशिफल वि.सं. २०८३ वैशाख २६ गते शनिवार : श्री शनिदेवीकाे कृपाले यी राशिहरूकाे चम्किनेछ भाग्य ||

BREAKING NEWS SHOW BREAKING NEWS

नेपाल भ्रमण गर्ने विभिन्न राष्ट्रका राष्ट्राध्यक्ष, सरकार प्रमुखलगायतका विशिष्ट अतिथिलाई बस्नका लागि सुविधासम्पन्न राजकीय अतिथि गृह (स्टेट गेस्ट हाउस) निर्माण प्रक्रिया अगाडि बढेको छ ।

ललितपुरको पुल्चोकस्थित अहिलेको मन्त्री निवास परिसरमा राजकीय अतिथि गृह बनाउने प्रक्रिया अगाडि बढेको हो । करिब डेढ अर्ब रुपियाँको लागतमा यो अतिथि गृह निर्माण गर्न लागिएको हो ।

सो अतिथि गृह निर्माण गर्न विस्तृत परियोजना प्रतिवेदन (डीपीआर) तथा विस्तृत ‘डिजाइन’ तथा ‘ड्रोइङ’को कामसमेत सम्पन्न भइसकेको जानकारी सहरी विकास तथा भवन निर्माण विभागअन्तर्गतको विशेष भवन निर्माण आयोजना समन्वय कार्यालयका निर्देशक दिलीपशेखर श्रेष्ठले दिए ।

श्रेष्ठले भने, “विभिन्न मुलुकका राष्ट्राध्यक्ष, सरकार प्रमुख र विशिष्ट व्यक्तिहरूद्वारा समयसमयमा हुने नेपाल भ्रमणको क्रममा उहाँहरूलाई कुनै होटलमा नराखी राज्यकै स्वामित्वमा रहेको अतिथि गृहमा बसोबासको व्यवस्था गर्ने गरी राजकीय अतिथि गृह निर्माण प्रक्रिया सुरु गरिएको हो ।”

उनले अगाडि भने, “विदेशबाट यहाँ आउने पाहुनालाई राख्ने अहिले राज्यको कुनै उच्च सुविधासम्पन्न अतिथि सदन छैन । मात्र होटलमा राख्नुपर्ने अवस्था छ । त्यसैले सुविधायुक्त अत्याधुनिक राजकीय अतिथि गृह निर्माण गर्न लागिएको हो । यो अतिथि गृह अहिलेसम्मकै सबभन्दा अत्याधुनिक हुने छ ।”

यो समाचार आजको गोरखापत्र दैनिकमा छ ।