प्रदेश २ का नवनियुक्त प्रदेश प्रमुख हरिशंकर मिश्रले आफ्नो कार्यकक्षबाट पृथ्वीनारायण शाहको तस्बिर हटाउन लगाएका छन् ।
पूर्ववर्ती प्रदेश प्रमुख राजेश झा अहिराजले पद बहालीसँगै आफ्नो कार्यकक्षमा पृथ्वीनारायण शाहको तस्बिर राख्न लगाएका थिए । नवनियुक्त प्रदेश प्रमुख मिश्रले भने आफ्नो कार्यकक्षबाट पृथ्वीनारायण शाहको तस्बिरलाई हटाएका हुन् ।
प्रदेश प्रमुखको कार्यकक्षबाट पृथ्वीनारायण शाहको तस्बिर हटाइएपछि राष्ट्रिय प्रजातन्त्र पार्टीका अध्यक्ष कमल थापाले सामाजिक सञ्जालमा टिप्पणी गर्दै नवनियुक्त प्रदेश प्रमुख मिश्रको कडा आलोचना गरेका छन् ।
अध्यक्ष थापाले हिन मानसिकता बोक्नेहरूले देशको स्वाभिमान, सार्वभौमिकता र एकता बलियो बनाउन सक्दैनन् भनेर टिप्पणी गरेका छन् ।
थापाले सामाजिक सञ्जालमा लेखेका छन्, ‘नेपाल राष्ट्रका निर्माताको सम्मान गर्न नसक्ने वा नचाहने हिन मानसिकता बोक्नेहरूले देशको स्वाभिमान, सार्वभौमिकता र एकता बलियो बनाउन सक्दैनन् । जसले नेपाली नाम र पहिचान दियो, जसको कारण आज पद प्रतिष्ठा पाएका छन्, त्यो महान व्यक्तित्वप्रति गर्व गर्न नसक्नेहरू कायर आत्मसमर्पणवादी हुन् ।’
यहाँ प्रकाशित कुनै समाचारमा तपाईंको गुनासो भए हामीलाई info@purakhabar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक र ट्विटरमा पनि जोडिन सक्नुहुन्छ । हामीसँग तपाईं
फेसबुक र
ट्विटरमा पनि जोडिन सक्नुहुन्छ ।
Advertisement
यो खबर पढेर तपाईलाई कस्तो महसुस भयो ?
प्रतिक्रिया
सम्बन्धित खवर
भाद्र १२, २०८३ शुक्रबार
61 Views
भाद्र ११, २०८३ बिहिबार
70 Views
भाद्र ११, २०८३ बिहिबार
131 Views
भाद्र ११, २०८३ बिहिबार
78 Views
